Geguritan Basa Jawa

Raden Ayu Kartini

Kartini

Ingkang luhur pakertine

Ingkang wantun nglampahi bebaya

Mbabadi arungkut, ngobori apeteng

Kinarya sarana

Njunjung dhuwur drajating wanita

Unggyaning pagulingan denya ngrakit basa lan sastra

Rinonce sekar,kebak pitutur

Rina wengi tansah nyandhong

Cucuk oboring lelakon

Nadyan piningit,nanging bisa  sesrawungan

Sesrawung marang sapadhane saka manca

Bebasan banjir mangsi

Kanggo ngupadi undhaking kawruh

Siji mbaka siji laying sinimpen

Nawala nglumpuk wusana dadi buku

Buku !... iya buku..

Kang migunani kinarya

Kaca benggala damaring ngaurip

Kang kaaran

“HABIS GELAP TERBITLAH TERANG”